Tolosan eta Amezketan, batera
Astelehenean bi jaialdi antolatu zituzten profesionalak tarteko, Tolosan eta Amezketan. Eta biak, ordu berean hasi ziren. Gaizki pentsatu nahi duenak, badu aitzakia ederra.
Amezketako jaialdian hiru partida jarri zituzten. Lehen lehian, Labaka zizurkildarrak eta Peña tolosarrak jokatu behar zuten, lau t’erdiaren barruan. Peña ez zen iritsi, ordea. Larunbatean tolosarrak partida jokatu zuen, eta eskua minduta gelditu zitzaion. Bere ordez, Olaizola jarri zuten Labakaren aurka. Azken honek, ordea, ez zuen bererik eman, osasun arazoak tarteko.
Jaialdiko bigarren partida ere afizionatuen artekoa izan zen. Eta hemen bai, zaleek ederki gozatu zuten. Buruz-buru aritu ziren Irribarria eta Errandonea. Azken hau aurretik ibili zen partidaren zati handienean, baina lehertuta iritsi zen amaierara, eta orduan erakutsi zuen berea Irribarriak. Ondoren irten ziren kantxara profesionalak. Lau pilotariak eskualdekoak ziren: Jaka lizartzarra, Tolosa anoetarra, Urruzola asteasuarra eta Altuna amezketarra. Lauek itsura polita erakutsi zuten, baina Urruzola bezperan jokaturik zegoen, eta neke hori nabaritu zitzaion.
Tolosan, Olaetxeak eta Artolak jokatu zuten. Lizartzarrak Izarekin osatu zuen bikotea, baina ezin izan zuten partida irabazi, Ladis Galarza guztien gainetik ibili baitzen Beotibarren. Partida bikaina jokatu zuen Baraibarko pilotari handiaren semeak. Ondoren jokatu zen estelarra, eta bertan, Artola-Albisu izan ziren nagusi. Pablo Berasaluzeren itzulerako partida izan zen, lau hilabete geldirik egon ondoren. Alegiarra nagusitu zitzaion bizkaitarrari, eta binakako txapelketarako kinielak sutan jarraitzeko motiboa eman zuen lau t’erdiko txapeldunak.
Aste honetan erabakiko da hain zuzen ere, lehen mailako binakakoan zein pilotari egongo dira. Jokin Altuna eta Iñaki Artola bertan egongo diren jakiteko dago, Olaetxeak aukerak izango dituen ere bai. Zurrumurruak zurrumurru, ia ziurra da eskualdeak ordezkariren bat izango duela. Ea hirurak egoteko aukera duten.
Zeberio II.a, finalaren bila
Erremontean binakako txapelketa jokatzen ari dira, eta iadanik finalerdietan daude. Finalera pasatzeko, bikote bakoitzak bi partida irabazi behar ditu. Patxi Zeberio elduaindarrak Barrenetxearekin osatzen du bikotea, eta lehen final aurrekoan, ezin izan zuen partida irabazi. Ezkurra II.a eta San Migel txapelketa irabazteko faboritoak dira, eta kanporaketa zaila izango dute lehen partidako galtzaileek. San Migel nagusi izan zen lehen partida horretan, eta beste pilotariek bere erritmoan jokatu zuten. Doneztebeko atzelariak 21 tanto egin zituen, horietatik 15 jokoan, eta beste seirak sakez. Atzelari batentzat izugarrizko zenbakiak dira horiek, batez ere jokoan lortutako tantoak kontuan hartzen badira. Zeberio II.ak eta Barrenetxeak zaila dute finalera sartzea, horretarako hurrengo partida irabazi beharko dute, bestela txapelketari agur esan beharko diote. Bigarren lehia, ostegun honetan jokatuko da Galarreta pilotalekuan.
PILOTA JAIALDIAK
LIZARTZA, ESKU PILOTA
Olaetxea-Aretxabaleta 22
Arretxe II-Begino 15
Jaka-Larunbe 13
Tainta-Apraiz 18
*Apraizen lesioagatik partida ez zen amaitu.
VILLABONA, ESKU PILOTA
Pebeten oroimenezkoa,
final zortzirenak
Etxeberria-Santxez 22
Lizaso-Erreka 17
Urretabizkaia-Imaz 22
Ojuel-Martinez 13
Hurrengo kanporaketak:
• Abenduak 12, 18:30ean.
• Abenduak 14, 10:30ean.
HERNANI, ERREMONTEA
Binakako txapelketa,
finalerdiak
Ezkurra II-San Migel 40
Zeberio II-Barrenetxea IV 36
*Finalera pasatzeko bi partida irabazi behar ditu bikoteak. Aurreneko finalerdia zenez: 1-0.
AMEZKETA, ESKU PILOTA
Lau t’erdian
Olaizola 18
Peru Labaka 5
Buruz-buru
Errandonea 18
Irribarria 16
Binaka
Jaka-Tolosa 22
Altuna III-Urruzola 19
TOLOSA, ESKU PILOTA
Oletxea-Iza 15
Elezkano-Ladis Galarza 22
Artola-Albisu 22
Berasaluze-Aretxabaleta 19
ZIZURKIL, ESKU PILOTA
IV. Pilota Txapelketa, finalak
Abenduak 14, 10:00etan
Benjaminak
Irribarria-Zubizarreta
Lizarazu-Etxeberria
Alebinak
Orbegozo-Unanue
Perurena-Ugartemendia
Infantilak
Goikoetxea-Arruabarrena
Alberdi-Unanue
Kadeteak
Zubizarreta-Aranguren
Arruti-Azpitarte