Atzo Batzar Nagusietako ordezkarien bisita jaso zuten Lizartzako eskolan eta asteartean Eusko Jaurlaritzako Hezkuntza Batzordeko kideak izango dira bertan. Asteartekoa bisita "oso garrantzitsua" dela uste dute gurasoek; izan ere, 2015eko aurrekontuan oraindik isteko daudela jakinda, Lizartzako eskola berriaren proiektua 2015eko aurrekontu horietan bertan "sartzea" espero dute. Gurasoen esanetan, "borondatea edukiz gero posible da".
Gainera, gurasoak eta udalak erabakiak hartu behar dituztenen gainean ez badaude "aurrerapausorik" ez dutela lortzen adierazi dute. Horregatik uste dute "oso garrantzitsua" dela presioa egiten jarraitzea, eta bide horretan "egoera aldatzen ez den bitartean" ostiralero elkarretaratzeak egiten jarraitzeko asmoa dute.
Guzti honekin, eskola berria "lehebailehen" behar dutela aldarrikatu dute eta egoera honetan ezin dezaketela jarraitu.