Goiz guztian zehar ibiliko dira kalejiran eta ekimen berezi bat ere prestatu dute. Txaranga, ikastolako maskota eta Argitxo izango dituzte lagun ikastola ikasle, irakasle eta gurasoek. Kalejira Zizurkilgo Zubimusu ikastolatik aterako da, eta lehenengo geldialdia Zubimusu zubian bertan egingo dute; bertan argazki erraldoi bat aterako dute. Handik Malkar plazara joango dira ekimen nagusia egiteko. Izan ere, kartoizko kaxekin ikastolaren logotipo berria eraikiko dute. Gainera, bertaratzen direnen artean pintxoak eta palomitak ere banatuko dira.
Zubimusu ikastola Jesusen Bihotza ikastola zena da, baina zentroaren izaera juridikoa aldatu berri dute eta horregatik logotipo eta izen berria ere sortu dituzte. Orain, Ikastolen Elkarteko kooperatiba barruan dago Zubimusu ikastola ere.
EGITARAU
Azaroak 29, larunbata
11:30. Kafea eta bizkotxoa Zizurkilgo ikastolan
12:00. Zizurkilgo ikastolatik irteera.
12:40. Zubimusu zubian argazki erraldoia.
13:15. Malkar plazan ekintza nagusia.