Hezkuntza batzordean egin dute agerraldia, eta bertan, eskolak bizi duen "larritasun egoera" salatu dute: "Adibide grafikoek garbi uzten dute zein behar dauden" azaldu du Eneko Maioz, Orexako alkateak.
Adostasun orokorra jaso dute erantzun gisa, baina hala eta guztiz ere, Lizartzara bidaiatzeko gonbita luzatu diete udal ordezkariek: "Horrelakoetan hitz politak entzuten dira beti. Denak ados zeuden behar horiekin, eta etorriko direnaren konpromisoa azaldu dute".
2017. urteko plangintzaren barruan da Lizartzako eskola berria, eta epe horiek mozten saiatuko direla ere esan dute. Baina Maiozen arabera, "EAJk argi utzi du Jaurlaritzaren lehentasunak mugiezinak" direla. "Egoera gertutik ikusteko esan diegu eta horren arabera markatzeko lehentasunak. 1,5 milioiko aurrekontua izango dute, eta hori portzentaje oso txikai da hezkuntzarentzat".
Martxoan, TOLOSALDEKO ATARIA-k bideo honetan ezagutarazi zuen eskolaren egoera larria: