Hirugarren urtez Azkue eguna antolatu dute izen bereko Ibarrako auzoan. Goizean goizetik festa giroa izan da bertan, auzoko irudi edo ikur den astotxoaren konpainia ere izan dutelarik.
Bazkarian 60 lagun inguru elkartu dira "giro ederrean", eta arratsaldean jokuak eta kontzertuak izan dituzte. Antolatzaileek azaldu dutenez, auzotarren arteko erlazioa sustatzeko helburuarekin hasi ziren egun hori antolatzen, eta izan duen harrera ona ikusita, urtez urte antolatzen jarraitzen dute.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?