Lehen zatian indartsu atera da talde urdina, eta markagailuan aurrea hartzeko aukera izan du. Zarautzek ordea, pixkanaka, zelai erdian jokalariak pilatu eta euren jokoari sendotasuna eman diote. Bi taldeak parean jarri dira orduan, eta etxekoek behera egin dute. Partida nahasia gelditu da, eta horrela iritsi dira atsedenaldira.
Bigarren zatian tolosarrei berriro ere kosta egin zaie jokoan sartzea, eta golak urrun zirudien, hau da, argi zegoen partida hutsean amaituko zela. Epaileak orduan Zarautz bat gutxiagorekin utzi du, eta Tolosak gora egin du, golaren bila. Aukerak izan dituzte, batez ere geldikako jokaldietan, baina ez Mariok, Ez Fuentesek eta ez Endikak ez dute asmatu. Amaieran, beraz, 0-0.