Bi hilabeterako hartzen dute postua Jabi Rezolak, Amondaraintarrek eta Eneko Pasabanek. Hiru eskopeta egon daitezke gehienez postuan, eta ondorioz, Mikel eta Iban anaia txandaka ibiltzen dira. Azaroa bukaera arte, ahal duten guztietan Otzaurtera joango dira ibartarrak eta tolosarrak, eguzkia atera baino lehen. Egunsentian birigarroak, eta ondoren, zortea bada, lehen printzekin batera usoak. Mila bizipen eta kontu kontatzeko, baina horiek postuan gelditzen dira. Zer egiten duten bertan, ordea, ikusgai dago Usoak dokumental labur honetan. Bertan, Jabi Rezolak dion bezala: "Hauxe da gure bizitza".