Rafael Iribarren Gipuzkoako Osasunaren Lurralde Zuzendariari gutuna bidali dio Tolosaldea Osasun Publikoaren Alde plataformak; argibideak eskatuz. Goizean, Iribarreni bidalitako gutuna herritarren artean banatzen ibili dira TOPAko kideak, Tolosako Trianguloan.
TOPAren arabera OSI sistema hurrengo urtean jarriko dute eskualdean, eta horren inguruko informazioa eskatu dute. "Harrigarria da informaziorik ez izatea inongo arlotan. Ez osasungintzako sektoreak, ez sindikatuek eta ezta politikoek ere".
Rafael Iribarreni, gainera, ondorengoa gogoratu diote eskualdeko herri ekimenetik: "Euskadiko Osasun Antolamenduaren legearen arabera, herritarren parte hartzea da Euskadiko osasun sistemaren funtzionamendu eta antolamenduaren oinarrietako bat". Parte hartze hori bultzatzea aldera, informazioa izatea beharrezkotzat jo du TOPAk.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
