Neguan ganaduak zer jana izan dezan, udan lan egitea beharrezkoa da. Helburu horrekin, Urkizun hiru baserri auzolanean ibiltzen dira: Gurutzeaga, Urkizu Gainkoa eta Urkizu Azpi. Baserri bakoitzak bere lurrak ditu, eta bertan bildutakoa norberarentzat gelditzen da. Baina lana denek egiten dute, norbere lurretan izan edo auzokoaren belardian izan. Makinak ere baserri bakoitzarenak dira, baina besteren zerbitzurako prest.
Belarra moztu, bildu, bolak egin,... prozesu guztia, pausoz pauso www.ataria.info webgunean dago ikusgai.
Egiten dutenaren inguruko hausnarketa, egungo testuinguruan kokatzen dute, bere esanahia azpimarratuz: «Mendebaldeko gizartea norabide batean doa, eta gu aurkakoan. Horrek garrantzi eta balio handia dauka».