Auzitegi Nazionalak deklaratzera deitu ditu Topatu-ko hiru kazetari, iazko martxoan Gazte Danbadaren berri emate hutsagatik. Haiei elkartasuna adierazteko, ohar hau kaleratu du Tolosaldeko ATARIA-ko lantaldeak, Auzitegi Nazionalaren erabakiaren aurka:
1. Gure elkartasun osoa adierazi nahi diegu ‘Topatu’-ko kazetariei eta lantalde osoari.
2. 2013ko martxo amaieran izan zen Gazte Danbada jaialdia, eta ‘Topatu’-ko kazetariek ekitaldi hartako irudiak zabaldu besterik ez zuten egin; alegia, informatu.
3. Prentsa askatasunaren aurkako eraso larria iruditzen zaigu. Informazio eskubidea bermatuta egon behar da beti; ezin da delitu izan, ezinbesteko oinarria delako gizarte demokratiko baterako.
Tolosaldeko ATARIAko lantaldea