Lehen sei sailkatuek finalerako txartela eskuratu zuten. Horietatik bi Tolosaldekoak dira: Unai Otaño ibartarra eta Joseba Otaegi zizurkildarra. Aiako kanporaketa Atutxak irabazi zuen, ezustekoa emanaz. Nazabal izan zen bigarrena, eta Otaño hirugarrena. Ondoren Olasagasti, Azurmendi eta Otaegi sailkatu ziren. Azkena Jexuxmari Mujika ibartarrak egin zuen, eta ondorioz, maila galdu eta hurrengo urtean bigarren mailan ariko da. Aizkolari bakoitzak bi kana-erdiko, bi 60 ontzako eta bi oinbiko erdibitu behar izan zituzten.