Ibarrako gazte talde batek, udal, merkatari eta herriko elkarteen laguntzaz, Stop Sanfilippo elkartearen alde dirua biltzeko antolatutako elkartasun eguna izango da irailaren 27an. Zozketa handi bat antolatu dute egunean bertan, orotariko materialarekin. Esaterako, Pukas etxeak eta Asier Muniainek surf taula eta skate taula bana eman dizkiete. Gauez ibili ahal izateko ekipatuta daude, eta horrelako 18 taula bakarrik topa daitezke munduan. Gaur Trianguloan izan dira txartelak saltzen, zenbaki bakoitza, 50 zentimoko salneurrian.
Hauxe da materiala:
Xabi Alonso, Xabi Prieto, Laporte, Castañeda, Monreal, Mikel Saizar, Eibar taldea, Aritz Aranburu, Iker KArrera, Beldarrain, AMPO Ordizia, Saralegi, Eulate, Albisu, Zubieta, Olaizola II eta Olaetxearen elastikoak; Edurne Pasabanen erlojua, Lara Arruabarrenaren erraketa, ESAITeko materiala, Marea eta Etsaiak musika taldeen eta Pirritx eta Porrotxen materiala; Kike Amonarrizen liburuak; Denak tabernako materiala...