Billabonatarra aske geratzeko sei hilabete geratzen dira, eta prozesamendu berri honek «argi erakusten du Espainiako Estatuaren estrategia», Sorturen ustez. «Are gehiago, 2008ko akusazioak mahai gaineratzen dituenean, urte horretatik Julen espetxean baitago». Une honetan, bere espetxe egonaldia amaitzen ari denean, Espainiako Estatua «oztopo berriak jartzen saiatzen» ari dela salatu dute. «Sei hilabetera aske ateratzeko unean halakoekin etortzeak mendeku usain argia dauka, eta mendekua eta errepresioa eskaintzeko besterik ez duenari herri bezala erantzun sendoak ematea dagokigu». Era berean, gogoratu nahi dute, Zelarainek bere espetxealdiaren zatirik handiena Huelvan egin duela, 2.000 kilometrora.
Amasa-Villabonako Sortuk elkartasuna eta babesa eskaini die Julen Zelarainen emazte, seme-alaba eta gertukoei, «halakoek bere ingurua urduri jartzea, bazterrak aztoratzea eta herri honetan ilusioari ate guztiak ixtea bilatzen baitute, eta horretan laguntzaile leialak dituzte Euskal Herrian bertan ere».