Pirinioetan aldarrikapen martxa antolatu du ESAITek etzirako

Tolosaldeko Ataria 2014ko uzt. 21a, 14:13
Aldarrikapen martxa antolatu dute Saint Lary Pla D`Adeten datorren asteazkenean, uztailak 23. Hamar kilometroko bizikleta igoera izango da egun horretan eta bezperan, uztailaren 22an, arratsaldeko 19:00etatik aurrera euskal festa egingo dute Pla D`Adeten, ESAIT gunean. MIkel Uzkudun, ESAITeko kideak eman digu guzti honen berri.

Euskaltelek parte hartzen ez duenez, aurten ez da uholde laranjarik izango Tourreko Pirinioetako etapetan. Hala ere, euskal ikurrak atera eta euskal txirrindulariak animatzeko deia egin dute ESAITetik.

Asteazkenean, bizikleta martxa abiatuko da Saint Lary Pla D`Adetik. Euskal selekzioen ofizialtasuna eta nazio bezala nazioarteko lehiaketetan parte hartzeko eskubidea aldarrikatuko dira martxarekin.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!