Tolosaldeko musikari ugarik hartu dute parte Donostia 2016ko abestian

Ataria 2014ko uztailaren 2a

Donostia 2016 egitasmoak kanta du. 'Oreka' izena du eta Juantxo Zeberio pianista tolosarrak konposatu du. Ez da, hala ere, eskualdeko parte hartzaile bakarra, izan ere, Tolosaldeko musikari askok hartu dute parte abestian: Beñat Barandiaran gitarrista zizurkildarrak, Jon Arruebarrena saxofonista tolosarrak, Itsaso Etxebeste Belauntzako baxu-jotzaileak, Elene Arandia abeslari ibartarrak, Tolosako Xabi Ormazabal koristak...

Oreka abestiaren hitzak Uxue Alberdi, Iñigo Goienetxe, Harkaitz Cano eta Angel Errorenak dira. Elkarlanean egindako abestia da, eta abeslari ezagun askok hartu dute parte: Doctor Deseoko Francis Diez, La Oreja de Van Gogh taldeko Leire Martinez, Goseko Ines Osinaga, Zea Mayseko Aiora Errenteria edo Selektah Kolektiboa taleko Wanka, besteak beste.

kultura

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?

EGIN ATARIKIDE!