Banaiz Bagara elkarteak elkarrekin euskaraz bizitzeko egitasmoak antolatzea du helburu, eta udan ere lanean jarraituko du. Udarako hilabeteetan ere ibilaldiak egitea proposatzen du, horrela euskara praktikatzeko aukera emanaz. "Ibilaldi horiek udan ere hizkuntza praktikatzeko aukera eskaintzen dute, hiztegi berria ezagutu eta lantzeko (natura, herria, hiria, historia...) eta batez ere, bertako jende euskaldun gehiago ezagutzeko; dena udako aireaz disfrutatzen dugun bitartean", esan dute.
Parte hartzea doakoa eta irekia da; "guztiak zaudete gonbidatuta, euskaraz 'zerbait' dakizuenak, urtean zehar euskara ikasi duzuenak, mintzalagunak eta baita euskaldun zaharrak ere, maila txikiko laguneko hizkuntza partekatu nahi duzuenak".
Ibilbideak eskualdeko hiru herritan egingo dutuzte; Amasa-Villabonan, Tolosan eta Alegian. Ekainaren 30ean hasiko dira ibilaldiak eta abuztuaren 17an bukatu. Villabonan Gaztelekutik aterako dira astelehenero, 19:45ean; Tolosan kultur etxetik asteazkenero, 19:30ean, eta Alegiatik kultur etxetik ostiralero, 17:30ean.
Abuztuaren 17an herri talde guztien arteko udako festa irekia egingo dute programari bukaera emateko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
