Euskal Herriko Lasto Jasotze Txapelketa jokatuko da hilaren 27an, Diman. 20:00etan hasiko da proba, eta zortzi herri kirolari ariko dira lehian. Gipuzkoatik bi joango dira, eta biak, eskualdekoak: Andoni Agirreurreta asteasuarra eta Peio Argaia zizurkildarra.
Parte hartzaileek 45 kiloko lasto fardoa altxa beharko dute, zazpi metroko altuerara. Iazko irabazlea, Jose Martin Bustinza Tubi Diman izango da ostiralean.
Baliarrainen jokatu zen Euskal Herriko txapelketa joan den urtean, eta bigarren Lander Otermin ibartarra izan zen. Aurten, ordea, Otermin ez da txapelketara joango. Andoni Agirreurreta izan zen iaz hirugarren, eta aste honen amaieran, postu hori hobetzera joango da Dimara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!