Tolosa eta Villabonaz gain Adunak, Anoetak, Berrobik, Elduainek, Irurak eta Zizurkilek ere jasoko dituzte laguntzak.
- Aduna: Frontoiaren eraberritze proiektua; 13.825 euro
- Anoeta: Osasun Parkea jartzea; 9.000 euro
- Berrobi: Eskolako kirol gunea estaltzeko aterpea eraikitzea; 67.378 euro
- Elduain: Frontoiean saskibaloi saskia ipintzea; 1.660 euro
- Irura: Skate pista; 69.000 euro
- Tolosa: Berazubi estadioko 1. eta 2. faseko lanak; 600.000 euro
- Amasa-Villabona: Arrantzain futbol zelaia; 200.000 euro
- Zizurkil: Elbarrena futbol zelaian belar artifiziala eta argiztapena instalatu eta emakumeentzako aldagelak egitea; 162.079 euro
Guztira Gipuzkoako 41 kirol instalakuntzetarako emango du diru laguntza, guztira 7.025.000 euro bideratuz. Deialdira aurkeztutako proiektuak 2016a amaitu aurretik bukatu behar dira. Ikerne Badiola Kultura, Gazteria eta Kiroletako diputatuak eta Asier Sarriegi Kiroletako zuzendariak azaldu dutenez, "plan honen helburua herritarrei, edozein udalerritan bizirik ere, ariketa fisikoa egiteko aukera eskainiko dieten Gipuzkoa osorako kirol azpiegitura sare orekatu eta eguneratu bat finkatzea da".
Diru laguntzarik handiena, aurkeztutako aurrekontuaren arabera, Zumaiako frontoi luzea egitera bideratuko dute, 750.000 euro, eta hurrengoa da Tolosako Berazubi estadioak jasoko duena, 600.000 euro.