Proba nagusia, iraupen luzekoa, 200 kilometro ditu, eta Treparriscos iraupen ertainekoak 85 kilometro. Eskualdeko afizionatu askok hartzen dute parte urtero proba honetan, eta aurten 90 izango dira Tolosaldeko ordezkariak, antolatzaileek Atariari argitu diotenez.
Eskualdeko parte hartzaileak:
- Tolosa: 41 Quebrantahuesos eta 16 Treparriscos
- Villabona: 5 Quebrantahuesos eta 4 Treparriscos
- Ibarra: 12 Quebrantahuesos eta 1 Treparriscos
- Alegia: 5 Quebrantahuesos
- Anoeta: 2 Quebrantahuesos eta 1 Treparriscos
- Irura: 3 Quebrantahuesos
Hau ez da hala ere, txirrindulari afizionatuek aurretik duten proba bakarra. Datorren astean bertan, ekainak 29, I. Abraham Olano Zikloturista Martxa izango da eskualdean.
Oriako Txirrindulari Eskolak antolatu du proba eta bi aukera egongo dira, luzea eta motza. Lehenengoan, txirrindulariek 194 kilometro egin beharko dituzte. Bataz besteko malda 4.280 metrokoa izango da, eta guztira, hamaika tontor gaindituko dituzte.
Tolosaldeko Atariak gehigarri berezia prestatzen ari da probaren xehetasun guztiak bilduz, eta ekainaren 26ean banatuko du Atarikideen artean.