Tolosako kultur etxean egin zuten atzo Eskubide Sozialen Kartaren aurkezpena. "Egungo egoera errotik aldatzeko nahiak eraman gaitu ekarpen hau egitera. Sistemaren krisi honek esparru ezberdinetan eragiten duelako eta urte luzeetako borroketan lortutako eskubide eta askatasunak desagertzen ari direlako. Izan ere, Euskal Herriko gehiengo sozialak ezin du jarraitu gure erabakitzeko eskubidea baldintzatzen eta mugatzen duten politikak jasaten. Politika hauen ondorioz, areagotuz doaz desberdintasuna, pobrezia, genero diskriminazioa, pribatizazioa, ingurumenaren galera nahiz euskaraz bizitzeko oztopoak", azaldu zuten. Herritar guztiak deitu zituzten mobilizatzera, oinarrizko eskubide horien alde.
Tolosaldean hamabi eragile aritu dira Eskubide Sozialen Karta lantzen. Hego Euskal Herrian, 113 herri eta auzoetan gauzatu da prozesua, eta 1.200 herritarrek hartu dute parte bertan. Maiatzaren 31n Asanblada Nazional bat egin zen, eta bertan onarturik gelditu zen karta. Ekainaren 14an Euskal Herri mailan aurkeztu zen, eta atzo, Tolosan, eskualdeko herritarrei begira. Maddi Sarasolak hartu du parte Tolosaldeko eztabaida prozesuan eta Atarian eman du bilakaeraren berri.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!