Neftali Hernandez duela 21 urte etorri zen lehen aldiz Euskal Herrira, komunikazio sozialarako eta aldarrikapenerako erabiltzen dute musika eta helburu horrekin etorri dira berriz ere Aiztondora. Euren herrialdearen berri eman dute eta hainbat emanaldi eskaini dituzte.
21 urte dira Aiztondo bailararen eta El Salvadorreko Segundo Montes komunitatearen arteko senidetzea abiatu zela. Dozena bat urte iraun zuen gerra zibilaren ostean, erbestetik itzuli eta Meangera herriko lurrak okupatu zituzten errefuxiatuek. Ezerezetik abiatu eta komunitatean antolatzea lortu dute, besteak beste Euskal Fondoa eta Aiztondoko udalek emandako laguntzari esker. Gurean izan ditugu Euskal Fondoko zuzendari Juanma Balerdi eta Tiempos de Cambio musika taldeko kide diren Gustavo Mejia eta Neftali Hernandez.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!