Tamaina txikiko lurrikarak izan dira Orexan eta Lizartzan

Tolosaldeko Ataria 2014ko eka. 6a, 10:51
Orexa izan zuen erdigune, 2,8 graduko lurrikara txikiak
Asteazkenetik ostegunerako gauean, goizaldeko lauak aldera, bi lurrikara izan ziren eskualdean. Richter eskalan 2,8 graduko indarra izan zuen batek, eta Orexan izan zuen epizentroa. Bigarrena, ordu erdi beranduago izan zen, 2,4 graduko indarra izan zuen, eta Lizartzan izan zen erdigunea. Berastegin ere nabaritu zuten lurrikara.

Adituen arabera, indar gutxiko lurrikarak izan ziren. Orexan askok nabaritu ere ez zuten egin. Orexako alkateak, Eneko Maiozek, esan duenez, herrian denetarik dago, nabaritu zutenek golpe baten modukoa sentitu zuten ohean zeudela, baina askok nabaritu ere ez zuten egin. "Kuriositate bat izan da, asko ez dira enteratu ere egin".

Berastegin ere nabaritu zuten tamaina txikiko lurrikara. Aritz Mujika alkateak berak, ez zuen nabaritu, baina familia bat joan da udaletxera zerbait nabaritu zutela eta zer ote zen galdetzera. Orokorrean, ordea, ez dute ezer nabaritu.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!