Joan den ostiralean Berrobin izan zen ATARIA Irratia. Herriko udal ordezkari eta eragile ugari igaro ziren ATARIAren mikrofonoetatik, Iñigo Aiertza alkatea, Agurtzane Belaunzaran zinegotzia edota Iñigo Altuna, besteak beste. Herriko txikienak ere eskolatik irten eta parte hartu zuten irratsaioan.
Bien bitartean, Berastegin, Elduainen, Berrobin, Leaburun, Lizartzan eta Orexan ATARIA egunkaria eta astekaria herritar guztien etxeetara ari da iristen. Ekainaren hirutik ekainaren 20a bitartean, egunero-egunero banatuko baita egunkaria eta astekaria. Doan. Hori egin ahal izateko, ezinbestekoa izan da udalerri horien dirulaguntza.
Kanpainaren helburua Atarikide berriak lortzea da. Izan ere, harpidedun egiten direnek, egunkaria eta astekaria finantzatzen laguntzearekin batera, egunero-egunero ATARIA Irratia (107.6 FM) eta www.ataria.info webgunea egiteko behar-beharrezkoa den baliabide ekonomikoak lortzen lagunduko lukete.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!