Tolosaldea Osasun Publikoaren Alde koordinakundeak sinadura-bilketa berri bati ekin zion duela hilabete inguru. Gaur ere mahaiz bete dute Tolosa, eta jaso dute atxikimendua.
2011. urtean ekin zion bideari, koordinakundeak, eta Tolosaldeko osasun zerbitzua publiko egitea eskatzeko bildu zituzten milaka sinadura. Orain, ordea, zerrenda berri bat ireki dute azken hilabeteotako mugimenduen ondorioz: Eusko Jaurlaritzari Tolosaldeko osasun mahaia sortzeko eskatu nahi diote sinaduren bidez.
Aipatzekoa da, Gipuzkoako Batzar Nagusiek jada onartu zutela eskari hori.