Tolosaldeko Kontsumitzaile Bulegoko arduradunak, Ainhoa Orrantiak, azken hilabeteetan Vodafone konpainiako bezero askoren kexak jaso dituela esan du. Bezeroek salatu dutenez, SMS premiun mezuak jaso dituzte eta mezu horiek krobatu egin dizkiete Vodafone Ordainketak kontzeptu gisa. Bezero gehienek esan dute ez dutela zerbitzu hori hartu, ez dutela nahita egin behintzat.
Vodafonek ez die dirua itzuli nahi. Itzuliko duen diru bakarra legeak zigortu dituen enpresen izenean bidalitako mezuak dira.
Arazoa ikusita, Kontsumitzaile Bulegoko arduradunak Vodafoneren bezero guztiei konpainiari tarifa osagarrien zerbitzu guztiak bertan behera uzteko eskatzeko gomendatzen die.
Enpresak zerbitzua kobratu badu jada, aurrekoa eskatzearekin batera, kontratutako zerbitzua bakarrik kobratzeko eskatu behar zaio. Hau egitean Vodafonek intzidentzia zenbaki bat emango die bezeroei, eta zenbaki hori gorde behar da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!