/ALKIZAN_GURE_ESKU_DAGO_EKI(1).jpg)
Alkizan ostiralean hasi ziren Gure Esku Dago-ren aldeko ekintzekin. 'Gazta zati bat' dokumentala proiektatu zuten. Larunbatean, berriz, egitarauarekin aurrera jarraitu zuten. Lehenik, haurrek altxor bilaketa jolastu zuten, eta ondoren kartel handi bat egin zuten, eskuak pintatu eta markak eginez. Eguna amaitzeko, berriz, barrikotea egin zuten, mus eta eskoba txapelketa eta guzti.
Igandean, berriz, Adunan Euskal Herria eguna ospatu zuten. Goizean goiz, herritar hainbatek auzolanean herriko sarreretan bi ongi etorri panel jarri zituzten. Gero, ikurriña erraldoia jarri zute nherriko Oskarbiko rotondan, "aberri egunaren alde, gure ikurren alde eta inposaketaren kontra".
Eguerdian, bi rotondak lotu zituen Giza Katea burutu zen "Gure Esku Dago" ekimenaren barruan. 110 pertsonek parte hartu zuten eta bi rotondak elkartzearen helburua bete zuten. Segidan, ekitaldia egin zuten plazan, Josu Amilibia (Adunako Alkatea), Agurtzane Galatas (Gure esku dago - Aduna) eta Iñaki Aristetaren (Bai Euskal Herriari ekimena) eskutik. Txulobi elkartean hamaiketakoa eginez amaitu zuten ospakizuna.