Olatz Peon eta Juan Ramon Bastarrika jeltzaleek eskualdeko EAJ-ren hainbat ekimen aurkeztu dituzte gaur arratsaldean. Lehena asteazken honetan izango da, 20:00etan, Tolosako Batzokian. "Gobernu onaren" inguruko lan jardunaldia izango da, eta parte hartzaileen artean, Bakartxo Tejeria Eusko Legebiltzarreko presidentea eta Imanol Lasa iragan legealdian aldundiko parte hartzearen zuzendaria eta egungo Zarauzko zinegotzia egongo dira.
Bigarren lan jardunaldia ekainaren 19rako aurreikusi dute Peonek eta Bastarrikak. Bertan, gizarte politika eta bere sostengarritasuna landuko dituzte.
Tartean, Andoni Ortuzar eta Arantxa Tapia etorriko dira Tolosara. EAJren presidenteak egungo egoera aztertuko du, eta Garapen ekonomikorako saillburuak krisiaren eraginak aztertuko ditu eskualdean: "Zuzenean bailarako kasuistika eta arlo produktibo ezberdinen errealitateak eta Eusko Jaurlaritzak martxan jarritako ekimenak kontrolatzeko", azaldu du Olatz Peonek.