Eskualdeko ikasleak Tolosara deitu dituzte IAtik, bertan antolatu baitituzte ekitaldiak. Lehenik, ikastetxez ikastetxe ibiliko dira protesta zaratatsuan. Ondoren, Trianguloan elkarretaratzea eta manifestazioa egingo dituzte. Ikasleez gain, biharko mobilizazioetara eskualdeko eragileak, «eta batez ere», hezkuntza komunitateko kideak deitu dituzte ikasle mugimendutik.
Sortu-ren atxikimendua
Tolosaldeko Sortu-k bere atxikimendua agertu dio martxoaren 27rako Ikasle Abertzaleek deitu duten greba egunari. Egun osoan antolaturik dauden ekimenekin bat egiteaz gain, «oinarri militante eta soziala» arratsaldeko manifestaziora deitu ditu eskualdeko Sortu-k: «Guk aldarrikatzen dugun eredua, hezkuntza euskaldun, ezkertiar eta feminista da. Eskola inklusibo, herritar, parekide, duin, internazionalista, askatzailea... borrokatzen dugun heinean, Euskal Eskola Nazionala eraikitzen ariko gara».
Hitzorduak
Martxoak 27, osteguna
09:00. Tolosako Orixe institutuan elkartu, eta ikastetxez ikastetxe protesta zaratatsua.
12:00. Trianguloan elkarretaratzea.
19:00. Eskualdeko manifestazioa Trianguloatik.