Herritar guztiak daude gonbidatuta Ataria aurkezteko egiten ari den bileretara. Bertan Atariari buruzko azalpenak jaso ahal izango dituzte eta besteak beste, duela bi aste astero Alegialdeko etxe guztietara iristeko hasitako kanpainaren xehetasunak emango dituzte Atariako arduradunek.
Izan ere, maiatza arte, ostiralero, Abaltzisketa, Alegia, Altzo, Amezketa, Baliarrain, Ikaztegieta eta Orendaingo etxe guztietan banatuko da Atariaren astekaria, doan. Horrela, oraindik Tolosaldeko Ataria gertutik ezagutzen ez dutenek etxean bertan jasoko dute eskualdeari buruzko 32 orrialdetako aldizkaria. Horrekin batera, ostiralero, Alegialdeko herrietatik bertatik egingo da Ataria Irratia. Eta behin kanpaina amaitu ostean, Alegialdean beste 100 Atarikide berri lortzea da asmoa. Kanpaina hau aurrera eramateko ezinbestekoa izan da udalen laguntza.
Hurrengo hitzorduak
- Martxoak 27: Aurkezpena Amezketako kultur etxean, 19:00etan.- Martxoak 28: Irratsaioa Altzon, udaletxetik.
- Apirilak 4: Irratsaioa Ikaztegietan.
- Apirilak 11: Irratsaioa Abaltzisketan.
- Apirilak 25: Irratsaioa Orendainen.
- Maiatzak 9: Irratsaioa Amezketan.
- Maiatzak 16: Irratsaioa Baliarrainen.