Apirilaren 5ean egingo dute zazpigarren Ñañarri Rallyesprinta, eta hori dela eta larunbatean eta igandean, hilak 29 eta 30, eta baita apirilaren 4ean ere, errepideko azterketak egingo dituzte 10:00etatik 20:00etara. Alegiatik Orendainera eta Abaltzisketara joateko GI-3670 eta Amezketatik Abaltzisketara joateko GI-2133 errepideetan egingo dituzte azterketa saioak.
Antolatzaileek esan dutenez, azterketak ohiko ibilgailuekin egingo dituzte, eta legez ezarrita dagoen abiadura ez dute gaindituko. Egun horietan, hortaz, ohiko egun batean baino trafiko gehiago ibiliko da errepideetan.
Probako egunean, hori bai, apirilaren 5ean, GI-3670 eta GI-2133 errepideak erabat itxiko dituzte 14:00etatik 19:00etara.
Rallyesprinta Orendain eta Abaltzisketatik pasako da eta Amezketako jaitsieran izango du helmuga, eta sari banaketa Alegiako industriagunean egingo dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
