Argazkizaleentzat sortutako Aiztondoko argazki rallya iritsi da

Aiztondoko argazki rallyaren VI. edizioa antolatu du aurten ere Aiztondoko Zerbitzuen Mankomunitateak. Lehiaketa apirilaren 6an izango bada ere, izena emateko azken eguna, hilaren 24a, astelehena izango da; 08:00etatik 12:00etara Aiztondoko Zerbitzuen Mankomunitatearen bulegoan. Edo Rallyaren egunean 09:00etatik 10:30era ere eman ahal izango da Adunako udaletxeko atarian.

 Izena emateak 5 euroko kostua izango du eta nerabeentzat doakoa izango da. Nahi duen argazkizaleak eman dezake izena eta argazkiak kamera edo telefono mugikorrarekin atera daitezke. Larraul, Alkiza, Aduna eta Zizurkil herrietan atera ahal izango da argazkia, eta gaiak apirilaren 6an banatuko dira Adunako udaletxeko atarian. Jarritako gai bakoitzeko argazki bat atera beharko dute parte hartzaileek. Argazkilariek aukeratutako sei argazkiak Aiztondo Zerbitzuen Mankomunitatera eraman beharko dituzte apirilaren 7ko 10:00ak baino lehen.

Sari bikainak

Irabazleentzat lau sari izango dira, 250 eurokoa eta trofeoa lehenarentzat, 200 eurokoa eta trofeoa bigarrenarentzat, 100 eurokoa eta trofeoa hirugarrenarentzat eta 75 eurokoa eta trofeoa laugarrenarentzat. Aiztondo saria, berriz, afari eder bat izango da. Gainera, aukeratutakoekin erakusketa bat ere egingo da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!