Ekainaren 8an Durangotik Iruñera joango den giza-katea izango da erabakitze eskubidearen alde. Gure Esku Dago izena hartu du proiektuak eta Leidorren eskualdeko aurkezpena egin ondoren, Eskutik Eskura astea antolatu dute orain.
Egitaraua aurrerago plazaratuko duten arren, datorren martxoaren 22an Eskuetan flashmoba izango da, Pirritx, Porrotx eta Bonberenea Txarangarekin, Tolosako Alondegia plazan. Larunbateko hitzordua baino lehen, ordea, entsegu orokorra izango da Trianguloan datorren martxoaren 18an, asteartearekin, 18:00etan.
Horrela, beraz, erabakitzeko eskubidearen aldeko flashmob erraldoian parte hartu nahi dutenek bideo horretatik dantza ikasi eta entsegura bertaratu beharko dute.