Iñaki Albistur Unanue, Irurako San Migel, Anoetako San Juan Bautista eta Larraulgo San Esteban elizetako parrokoa denak, 50 urte beteko ditu apaizgintzan. Hori dela eta, hiru parrokiek, bere omenezko elizkizuna egingo dute martxoaren 30ean. Elizkizun hori 11:30ean izango da, Irurako San Migel parrokian. Ondoren, hamaiketakoa eskainiko da kanpoaldean. Azkenik, bazkaria egingo da 14:00etan Irurako zaharretxean. Azken horretarako izena eman beharko da, eta epea zabalik da dagoeneko. Martxoaren 16ra bitartean, interesatuek Irurako zaharretxean, Anoetako Jon Anderren dendan edo Larraulgo plazako tabernan eman dezakete. Txartelaren prezioa 27 eurokoa da.