Giro onean joan zen atzo, Euskaltrail eguna. Goizean mendi irteera egin zuten Ibarrako Belabieta kiroldegitik aterata, eta ondoren Izaskunen bazkaldu zuten. Bazkariaren aurretik Elkartasun Zapatila kanpainaren barruan, kirola egiteko oinetakoak jaso zituzten, eta hiru boltsa handi betetzea ere lortu zuten.
Bazkaria eta gero etorri ziren sari banaketak, zozketak, Euskal Selekzioaren aurkezpena eta Euskal Herriko mendi lasterkari onenen arteko mahai ingurua, Iker Karrera, Uxue Fraile, Aritz Egea, Leire Agirrezabala eta Alex Txikon bildu zirelarik bertan.
Zozketak aurkezteko ardura Emelie Forsbergez, Kilian Jorneten lagunaz, mozorrotutako Joseba Usabiagak izan zuen, eta ekitaldia umorez janztea lortu zuen.