Eskualdeko herritar ugarik hartu zuten parte atzo iluntzean sakabanaketaren aurka egin ziren elkarretaratzeetan. Elorrioko Arkaitz Bellon euskal presoa asteazkenean agertu zen hilik Cadizeko Puerto de Santa Mariako espetxean, eta gertaera horren aurkako salaketa egin, eta espetxe politikaren aurkako gaitzespena adierazi zuten herritarrek, 'Espetxe politika honi ez. Sakabanaketa amaitu' lelopean.
Tolosan. EA, Aralar, LAB, Etxerat eta Sortuko kideak izan ziren 'Espetxe politika honi ez! Sakabanaketa amaitu orain! leloa eman duen pankartaren atzean. 300 pertsona inguru bildu ziren elkarretaratzean Tolosan, Gaztelun, 14, Ibarran 115, Villabona-Zizurkilen 100, Altzon 20 eta Lizartzan, 41 pertsona. Mobilizazioak hainbat eragile politiko, sindikal eta sozialek deitu zituzten.
Herenegeun, berriz, Anoeta eta Iruran, 45 pertsona bildu ziren, Ibarran 80, Asteasun 18, Zizurkilen 50 eta Villabonan 50. Azken horretan pertson bat identifikatu zuen Ertzaintzak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
