Plazaola edo gure artean ezaguna zen “Tren Txiki”a bidaiariak Donostiatik Iruñeara garraiatzen hasi zela 100 urte bete dira aurtengoan. Gaur egun, bide honen ia 50 km berreskuratu dira aisialdirako, hasi Andoaindik eta Latasa ingururaino. Orain, euskarri bakar batean argitaratu dira bide honen ingurukoak.
Plazaolako bide berdeak hainbat eskualde zeharkatzen ditu, Donostialdea eta Tolosaldea Gipuzkoan, eta Larraun eta Imotzeko bailarak Nafarroan. Turista eta erabiltzaile askok ordea ez dituzte muga hauek ezagutzen baina turismo bulegoetan informazioa ematerakoan, batetik Gipuzkoako zatiaren mapa bat ematen zitzaien ( Berastegiko Urto atsedenlekua da muga) eta Nafarroako zatiarekin berriz, beste mapa bat. Gauzak horrela, sinergiez ohartuta, euskarri bakar bat argitaratzea erabaki zuten 2013an.
Mapa Fiturren aurkeztu berria izan da eta arrakasta handia izan du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!