Jaialdia urtarrilaren 18an izango da, Tolosako Leidor aretoan, eta astebete lehenago bukatu dira sarrera guztiak. Ez dira, beraz, Leidorreko leihatilan sarrerarik salgai izango. Sarrerarik lortu ez duenak, baina, aukera izango du bi sarrera eskuratzeko. Horretarako #bertsogaia hastag-arekin proposatu behar du jaialdian bertsolarientzako gaia eta irabazleak sarrera parea lortuko du.
Aurreko lau bertso jaialdiak Txolarre irratiak antolatu ditu, eta bosgarren hau, Tolosaldeko Ataria proiektu berria ari da antolatzen, hain justu Txolarre irratiak, Galtzaundi aldizkariak eta Tolosaldeko Hitza egunkariak sortu duten proiektua. Oraingoan ere puntako bertsolariak ariko dira taula gainean: Andoni Egaña, Maialen Lujanbio, Jon Maia, Jexux Mari Irazu, Igor Elorza eta azken Bertsolari Txapelketa Nagusiko irabazlea, Amets Arzallus. Amaia Agirre izango da gai jartzailea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!