Xabier Tolosa pilotari anoetarrak Aspe enpresarekin debuta egingo du abenduaren 30ean, Tolosako Beotibar pilotalekuan. 18 urte ditu atzelariak eta Amezketako Zazpi Iturri elkartean aritzen da.
Bere aldetik, Iñaki Artola alegiarrak Asegarce enpresarekin egingo du debuta, baina oraindik ez dago zehaztuta noiz izango den. Egun DV Torneoa jokatzen ari da aurrelari alegiarra. Bi pilotariek aurten batera irabazi zuten Ogi Berri Txapelketa nagusien mailan.
Saralegik beste urtebetez berritu du
Ekaitz Saralegi amezketarrak beste urtebetez berritu du Asegarcerekin, eta, beraz, 2015eko otsaila arte luzatu du lotura enpresarekin.