Garai berriak bizi ditugu Euskal Herrian. Garai berri hauez baliatuz, "elkarlanaren ildotik urrats berri eta sakonak egiteko unea dela" uste dute gaur Tolosan bildu diren herritarrek. "Ezinbestekoa da elkarrekin aurrera egitea ziklo berri eta ilusionagarria irekitzeko", eta bide honetan herritarrak protagonista nagusi bilakatu behar direla uste dute.
Aitor Mendiluze, Anjel Mari Peñagarikano, Jexux Mari Irazu eta Amaia Agirre bertsolariek, Martxelo Otamendik, Iñaki Arratibelek, Emeterio Zaldibiak, Iker Galartzak, Ekaitz Saralegik, Aiora Zulaikak eta beste hainbat lagunek babestu dute ekimena.