Unai Otaño eta Jon Irazu Nazabali aurre egin nahian

Asier Imaz 2013ko abe. 6a, 10:30
Euskal Herriko Aizkolari Txapelketa Nagusia jokatuko da abenduaren 8an, etzi, Elgoibarren. 12:00etan hasiko dira lanean aizkolariak, eta bertan, eskualdeko bi ordezkari egongo dira: Unai Otaño ibartarra eta Jon Irazu zizurkildarra. Hauekin batera, Iñaki Azurmendi, Aitzol Atutxa eta Joxemari Olasagasti ariko dira lehian.

Guztiek, txapelaren lehian, aurkari bakarra izango dute: Floren Nazabal faborito handia. Finalean egin beharreko lana ondorengoa izango da: 54 ontzako, 60 ontzako eta 72 ontzako launa enbor moztea. Finalerdietan denborarik onena Nazabalek lortu zuen, eta bigarren, ezustekoa emanaz, Unai Otaño gelditu zen. Jon Irazu finaletik kanpo gelditu zen, baina Jon Rekondoren lesioa medio, zizurkildarrak txapelaren lehian aritzeko aukera izango du etzi.


Shanti Trofeoan, izen ematea
Tolosan, Eguberrietako XXXII. Shanti Trofeoa jokatuko da alebinetan eta benjaimetan. 2002tik 2005era jaiotako haurrak ibiliko dira areto futbolean, eta izena eman nahi duten taldeek abenduaren 10era bitarte zabalik dute epea. Lehian atera nahi duten neska-mutilek euren taldearen izena emateko Tolosako Shanti Kirolak dendara joan behar dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!