Mendiluze laugarren izan da Maulen jokatu duten azken finalaurrekoan, eta ondorioz, finalerako txartela lortu du. Jexux Mari Irazu larrauldarra hirugarren egin arren, finaletik at geratu da.
Aitor Mendiluze irurarrak 688,5 puntu batu ditu Maulen jokatu den finalaurrekoan, eta puntuazio horrekin laugarren izan da. Bere aurretik sailkatu da Jexux Mari Irazu, 689,5 punturekin. Hirugarren izan da Mauleko saioan, baina, ez du puntu nahikoa batu finalerako txartela lortzeko. Sustrai Colinak irabazi du 695,5 punturekin, eta bigarren, Unai Agirre izan da, 691,5 punturekin.
Abenduaren 15ean jokatuko den finalean, Maialen Lujanbiorekin batera, Amets Arzallus, Igor Elortza, Beñat Gaztelumendi, Aitor Mendiluze,Unai Iturriaga, Aitor Sarriegi eta Sustrai Colina ariko dira BEC-en.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!