Langileek gaineratu dutenez, "gure aldarrikapenetan bat egiten dute zerbitzuaren hobekuntzarako neurriek eta gure lan baldintzak duinak izateko eskaerek". Hala, eskola garraioa ez dadila izan "enpresa pribaturentzako irabazi iturria" aldarrikatu dute: "Eskaintzen dugun zerbitzua publiko delako, ezin daiteke negozio pribatu bihurtu. Hori da eskola garraioan diharduten enpresen helburua eta horretarako ikasleei eskaintzen zaien zerbitzua eta gure lan baldintzak okertzea bilatzen dute".
Tolosako Samaniego ikastetxearen aurrean esku orriak banatu dituzte, lan baldintzak eta eskaintzen duten zerbitzua hobetzeko eskaerak eginez. "2009-2010 ikasturtean iraungi zen gure lan hitzarmena. Eta orduz gero ez dugu ez soldata igoera ez bestelako hobekuntzarik izan gure lan baldintzetan", azaldu dute. LAB sindikatuko Haizea Mendiak Tolosaldeko Atariarekin hitz egin du aldarrikapenen inguruan:
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!