Datorren larunbatean, urriaren 19an, Zero Zabor norabidean aurrera egiteko ekitaldi ezberdinak antolatu ditu Zero Zabor mugimenduak.
Egunari hasiera emateko, bizikletak hartu eta «Birzzikleta Martxa»ri ekingo diote parte-hartzaileek. Ibarrako Zero Zabor taldeak jakinarazi bezala, eskualdeko herri ezberdinei deia luzatu diete ekimenean parte hartzeko. Hortaz, eskualdeko hainbat herritik abiatuta, lehen geldialdia eguerdiko Ibarrako Plazan (12:00etan) egingo dute «Birzzikleta Martxa»ko txirrindulariek, hamaiketakoa eskainiko baita bertan. Ondoren txirrindulari martxak jarraituko du Ibarrako Azkue auzoraino eta jarraian Tolosan barrena murgilduko da. Bazkaria 14:00etan Bonberenean ospatuko da, zagiardoarekin, eta bakoitzak bere jana eraman behar du.
Arratsaldeko 18:00etan Zero Zabor Festari hasiera emango zaio. Bonbereneako eszenatokian bertako zein kanpoko artista anitzen kontzertuez gozatzeko parada izango dute bertaratutakoek: Belarminak, Mma, Xabier Montoia eta Morau.