Bidania-Goiatzen Aste Kulturala antolatu dute hilaren 26tik 29ra. Hitzaldiak, lehiaketak, karaokea... hamaika ekitaldiz jantzi dute egitaraua. Udaletik, herritarrei ekitaldietan parte hartzeko deialdia egin diete.
Oharren artean, ostiraleko argazki lehiaketa izan dute hizpide aste kulturaleko antolatzaileek. Alde batetik, argazkiak lehiaketa baino lehen udaletxean aurkeztu behar direla esateko, eta bestetik, pintxoak doan izango direla azaltzeko. Hala eta guztiz ere, herritarrei bakoitzak ahal duen janaria emateko eskatu diete Bidania-Goiatzetik.
Egitaraua
Irailak 26, osteguna
21:00. Aimar Irigoien harri jasotzailearekin solasaldia egingo dute Bidania-Goiatzeko udaletxean.
Irailak 27, ostirala
19:00. Bidaniako frontoian
I. Argazki Lehiaketa. Argazkiak udaletxean aurkeztu beharko dira eguna baino lehen. Ondoren, pintxo eta edariak egongo dira.
Irailak 28, larunbata
Arratsaldean zehar. Herriko haurren mural margotzea eskolan. Ondoren, karaokea eta txokolate jatea.
Irailak 29, Igandea
Egunean zehar. Goiatzen azoka eguna. Produktu desberdinen salmenta, taloak, sagardo egileak, bertako produktuak... eta urteroko moduan, sardina jatea.