Junior mailako Gipuzkoako txapeldun berria da Xabi San Sebastian txirrindulari tolosarra, larunbataz geroztik. Lasterketa Mendaron jokatu zen, eta Gipuzkoako Itzuliko protagonista berdinak ibili ziren garaipenaren lehian. Itzulian bigarren egin baldin bazuen, Limousineko txirrindulariak garaipena lortu zuen Gipuzkoako Txapelketan, sprint-ean Barcelo eta Aranburu garaituz.
Bestalde, Aitor Regillaga tolosarra hirugarren izan zen Garaiko Triatloian, larunbatean. Beneditek irabazi zuen proba 4 ordu, 28 minutu eta 4 segundoko denborarekin, bigarren Alberto Bravi izan zen, eta hirugarren, Regillaga, Euskadiko txapeldun berritik bi minutu eta 11 segundora.