Hitza Pilota Txapelketa partida erabakigarrietara iristen ari da. Benjaminek A eta B multzoetako norgehiagokak jokatu zituzten iragan astean. Belauntzaran-Tellok 16-11 gainditu zituzten Zabala eta Rojas; Balerdi-Mujikak gauza bera egin zuten Iriarte-Larrarterekin, 16-12; Arrillaga-Arrillaga 16-5 nagusitu ziren Gorostidi-Gorostidiren aurka, eta Sorarrain-Auzmendik 16-14 irabazi zuten Alana-Balerdiren aurka. Hurrengo partidak uztailaren 12an jokatuko dira, Bidegoiango pilotalekuan.