Gipuzkoako Taldekako Giza Proba Txapelketako hirugarren jardunaldia jokatuko dute bihar, Orioko plazan, 18:00etatik aurrera. Kasu honetan, A multzoko taldekideak lehiatuko dira, hau da, Berrobi, Orio, Mendaro eta Deba. Multzo honetako bigarren jardunaldia uztailaren 13an jokatuko dute Mendaron, ordu berean hasita. Puntu gehien batzen dituzten bi taldeak igaroko dira abuztuaren 4an Aian jokatuko duten finalera.
B multzoko bi jardunaldiak jokatu ostean, Aiztondo eta Urretxu sailkatu dira finalera, eta Zizurkil kanpoan geratu da.