San Joan sua eta Et Incarnatusen solstizio kontzertua izan dira, Urkizu auzoko San Pedro jaiak girotzeko bide; jaiak, ordea, bihar hasiko dira, txupinazo eta kanpai hotsen doinura.
Urteroko moduan, ekainaren 29a izango da festetako egun handiena, eta meza nagusiaren ondoren, ume jolasak, futbol partida nahiz herri bazkaria izango dituzte, auzotarren artean.
Igandean ere egun osoko jarduerak izango dituzte, tortilla lehiaketa, sagardo dastaketa nahiz toka txapelketarekin.
Urkizuko San Pedro jaiak
Ekainak 28, ostirala
* Txupinazoa eta kanpaiak San Pedro jaiei hasiera emanez.
21:30. III. Alurtxiki mus txapelketa, elkartean.
Ekainak 29, larunbata
11:00. Meza nagusia, eta ondoren hamaiketakoa trikitilariekin batera.
12:00. Ume jolasak egun osoan. Arratsaldean futbol partidua, ume eta gurasoen artean.
14:00. Bazkaria Alurtxiki auzo elkartean, guraso eta haurrentzako.
21:00. Auzo afaria Alurtxiki elkartean, trikitilariekin.
Ekainak 30, igandea
11:00. Patata tortilla prestatzea.
11:30. Sagardo eta patata tortilla lehiaketa.
12:30. Toka txapelketa.
18:00. Haur jolasak.
18:00. Bolo txapelketa.