Bi hilabetez geldirik egon da gaixotasun bat medio, eta orain Winbledoni begira dago tenislaria
Lara Arruabarrena tolosarra Eastbourneko txapelketatik kanpo geratu da asteburu honetan, hasiera faseko bigarren partidan galduta; Jamie Hampton estatubatuarra ezin izan du gainditu.
Bi hilabetez tenisean jokatu gabe egon behar izan du tolosarrak, mononukleosiarekin gaixorik egon eta gero, eta horrek munduko jokalarien sailkapenean postuak galtzea ekarri dio; orain 82. postuan dago. Tenislariak, ordea, ez dio garrantzia handiegirik eman horri, eta datozen egunetan Londresen jokatu duen txapelketari begira dago.
Larunbatean lehen partida irabazi egin zion Time Babos hungariarrari, baina igandean ezin izan zuen AEBtako Jamie Hampton gainditu, eta 6-2ko bikoitzarekin amaitu zuten norgehiagoka. Hampton munduko sailkapenean 42. postuan dago gaur egun.
Arruabarrena lehen aldiz ariko da Winbledon txapelketan, eta besteak beste lehiakortasun maila berreskuratzeko helburuz joango da Londresera tenislari tolosarra.