Atzo hasi zituzten Oria eta Araxes ibaietako espezie inbaditzaileak mozteko lanak, Tolosaldeko Aste Berdearen barruan.
Ikaztegietan ekin zioten lanari, eta datorren asten astera arte arituko dira beharrean. Helburua, Tolosako Santa Maria elizara arte dagoen fallopia japonica izeneko landare inbaditzailea moztea da. Araxesen, berriz, Tolosa eta Lizartza artean ibiliko dira lanean.
Tolosaldea Garatzenen laguntzaz, martxoan jarri zuten abian proiektu hau, eta Tolosaldeko habitat naturalaren errestaurazio ekologikoa eta erregenerazioa aurrera eramatea dira helburu nagusiak.
Gaur, Alegian
Bestalde, gaur, arratsaldeko lauetatik aurrera, Alegiako udaletxe aurrean erreka garbitzeko auzolan deialdia egin du udalak. Urgardeneko boluntarioak eta Alegiako ikasleak elkarlanean arituko dira garbiketa lanetan Tolosaldeko Aste Berdearen barruan.